An Taol-Lañs


Digor eo enskrivadurioù an Taol-Lañs 2019

D’ar Gwener 7 a viz Even e vo dalc’het an Taol-Lañs ar bloaz-mañ. Ur fest vras e Langoned a roio an ton d’ar sonerezh a-vremañ kanet e brezhoneg. Kement all a vo evit digeriñ Gouel broadel ar brezhoneg (7-8-9 a viz Even 2019).

Digor eo an enskrivadurioù evit ar strolladoù sonerezh a-vremañ o deus c’hoant lakaat o anv. Betek an 20 a viz Mae 2019 o deus an arzourien evit kas o zeuliad enskrivañ da festival@gbb.bzh.

Nevezenti ‘zo ar bloaz-mañ, daou rummad ‘vo : ar re “amatour” hag ar re “a-vicher”. Da bep strollad da zibab e-barzh peseurt rummad en deus c’hoant koñkouriñ.

Rakdivizoù aes evit lakaat e/hec’h anv : ret eo d’an arzour·ez pe d’ar strollad kinnig sonerezh a-vremañ gant pozioù krouet ha kanet e brezhoneg.

RUMMAD “AMATOUR”

Tri devezh pleustriñ en Hydrophone — studio micherel en Oriant (56) — hag un devezh evit enrollañ un EP 3 don masterekaet a zo da c’hounit. Ambrouget e vo ar strollad trec’hour e-pad bloaz gant Mignoned ar brezhoneg, ar gevredigezh e penn Gouel broadel ar brezhoneg hag an Taol-Lañs. Un droiad sonadegoù a vo aozet ivez gant gouelioù keveler : 5 deiziad asuret ha difrejet (hent ha boued) da nebeutañ !

Leurennoù

Gouel ar sonerezh (21/06/2019) e Brest — SKED
Sant-Loup Off (07/2019) e Gwengamp — Ti ar Vro Gwengamp
Festival Tomahawk (09/2019) e Kerien — Kenstrollad Tomahawk
Festival intergalactique e Brest — Canal Ti Zef
Diskar-amzer 2019 e Naoned — Yezhoù ha Sevenadur
Gouel broadel ar brezhoneg (06/2021) e Langoned
Ha war leurennoù all…

RUMMAD “A-VICHER”

Ambrouget e vo ar strollad trec’hour e-pad bloaz gant Mignoned ar brezhoneg, ar gevredigezh e penn Gouel broadel ar brezhoneg hag an Taol-Lañs. Un droiad sonadegoù a vo aozet ivez gant gouelioù keveler brudet-tre : 5 deiziad asuret ha difrejet (hent ha boued) da nebeutañ ! Sonadegoù gopret evit an darn vrasañ anezhe.

Leurennoù

Gouel broadel ar brezhoneg (06/2019) e Langoned — difrejet*
Gouel etrekeltiek (08/2019) en Oriant — gopret
Festival Deus ‘ta! (10/2019) e Brest — gopret
Yaouank Bistro (11/2019) e Roazhon — difrejet
Nevez-amzer ar sonerien (04/2020) e Brest — gopret
Degouezh ar Redadeg (05/2020) e Gwengamp — gopret
Gouel broadel ar brezhoneg (06/2021) e Langoned — gopret

* Hervez ur barem

EMGAVIOÙ A ZEU

Sonadeg UKAN — Priz kentañ Taol-Lañs 2017

Evit lidañ donedigezh festival Gouel broadel ar brezhoneg hag an 10vet Taol-Lañs e kinnigomp deoc’h ad·dizoleiñ UKAN, loread Taol-Lañs 2017 ! Ur strollad pop a-zoare a gan e brezhoneg.

D’ar Gwener 26 a viz Ebrel 2019 adalek 6e30 noz — Plerin (22)

10vet Taol-Lañs · Digor d’an enskrivadurioù

Kenstrivadeg sonerezh a-vremañ kanet e brezhoneg

D’ar Gwener 7 a viz Even 2019 diouzh an noz — Langoned (56)

DEUET EO ‘MAEZ PLADENN AN TAOL-LAÑS

KLIKAÑ WAR SKEUDENN AR BLADENN (AMAÑ A-US) EVIT GOUZOUT HIROC’H