Debriñ
Krampouezh gwinizh du, gwinizh gwenn, fritez ha silzig a vo! Fardet war al lec’h gant boued ar vro. Ar re na zebront ket kig na vezont ket disoñjet. Kasit ho listri ganeoc’h evit skoazell ac’hanomp digresk lastez an darvoud.
Paeañ
E Bilhederezh hag e Ti-bank ar gouel e vo moaien deoc’h paeañ gant pep doare : kartenn-vank, chekenn pe moneiz.
Ho pilhiji e c’helloc’h prenañ en a-raok evit mont buanoc’h d’ar gouel war Helloasso !
E kreiz-kêr Langoned e vez kavet ur bilhedaouer (Kef al Labour-douar). War ar gouel e vo graet gant Lurioù hepken. Moaien ‘vo deoc’h eskemm hoc’h euroioù e Ti-bank ar gouel.
Evañ
Bier (ar vro), Sistr (ar vro), chug frouezh (ar vro) ha dour pik-pik a ginnigomp deoc’h. Kasit ho kobeled ganeoc’h. Sur e chom kalz anezho en ho ti! Difennet eo ar gwer war ar gouel.
Kampiñ
Un dachenn kampiñ ofisiel a vo e GBB. Nebell an dachenn sport e vo tu plantañ un deltenn gant ho mingoned·ezed ! Privezioù sec’h ha strinkadennoù a vo staliet eno ivez.
Publik
Donemat da bep hini e GBB !
Programm ar gouel a zo leun a abadennoù, c’hoarioù ha sonadegoù gouestlet ivez d’ar vugale !
Ne vo asantet feulster ebet na diforc’hidigezh ebet ! Lennit hor c’harta doujañs amañ.
Tud nammet
Plasoù parklec’h tost ouzh mont-tre ar festival a vo miret d’ar re a zo ur gartenn mont-dont enperzhiañ (CMI) ganto ivez.
Privezioù a-zoare a zo e mediaoueg Langoned.
Taol grenn ar mintin e yezh ar sinoù troet war ar prim e brezhoneg.
Chas
Difennet eo ar chas war ar gouel, ne vint ket asantet er bourk e-pad eurioù digeriñ ar festival.
Bout a-youl vat
C’hoant ho peus profañ amzer labour da GBB? Bevañ ar fest e-kreiz ar jeu? Un dro-kaer 100% e brezhoneg? Posubl eo, kavet e vez an holl ditouroù war ar bajenn-mañ ☞
