Pop — Taol-Lañs 2017, Langoned — Priz kentañ
Aozour ar pozioù hag ar sonerezh : Kevin RUELLAN
Mont a ran a-enep d’an dour
Evel an eog flour
Treiñ e ran ar plom en aour
Me ‘zo ‘n Alkemiour (×2)
Bac’het ‘barzh ma arnodva
A-hed an devezh (×2)
Klask a ran ur formulenn
Da vestoniañ
An danvez
Unvaniñ ma fersonelezh
Ha treuzfurmiñ al loen gouez (×2)
En un den te
Un den a zoare
A blijfe dit
Mont a ran a-enep d’an dour
Evel an eog flour
Treiñ e ran ar plom en aour
Me ‘zo ‘n Alkemiour
Lubaniñ e vestez
A-hed ar vuhez (×2)
‘Zo ul labour dibaouez
Ret eo krogiñ ‘barzh
Gwech a vez
Koulskoude ‘barzh ma fenn
‘Vez splann an dremmwel
Kimiezh ar garantez
Hag an eured peurbadel
Mont a ran a-enep d’an dour
Evel an eog flour
Treiñ e ran ar plom en aour
Me ‘zo ‘n Alkemiour (×4)
Jazz mesket gant Soul ha World — Taol-Lañs 2011, Speied — priz kentañ
Aozour ar pozioù : Julien VRIGNEAU
Aozourien ar sonerezh : Claire ALLAIN, Julien VRIGNEAU
Me am eus ur spi, ur gwir teñzor
Diwell d’an avi hag atav digor
Kuzhet em soñjoù, em hunvreoù
Savet gant ur garlantez gerioù
E’h an ‘ba ti ma zud (×…)
Luskellet eo gant an avelioù
Savet gant ur garlantez gerioù
Gant gerioù flour e’h a an nor
Hag ar melezour e teknikolor
E’h an ‘ba ti ma zud (×…)
Rock / Metal — Taol-Lañs 2007, Karaez — Eil priz
Aozour ar pozioù : Brieg Brendan GUERVENO
Aozourien ar sonerezh : Brieg Brendan GUERVENO, Joachim BLANCHET, Xavier SOULABAIL
Kollet ba‘r vorenn
Dic’hwezhañ ‘ran ma anken
Noz teñval daoulagad dall.
Goude hentadoù treuzet
‘Traoñ ar ganienn on kouezhet
Hag unan bennak am c’hlevo ?
Hag unan bennak ‘deuio ?
Gwask warnon al loargann
Froud ar stêr a glevan
Diwar wel ma ziez tomm
Hag unan bennak am c’hlevo ?
Hag unan bennak ‘deuio ?
Ma ‘m ‘ije gallet
Lâret pegement m’eus ho karet
Skornet ma bizied
Daoulagad dispourbellet
‘Barzh an oto flastret
Va relegenn drailhet
Va c’horf mac’hagnet
Ha va gwad skuilhet
Warc’hoazh c’hwi a glevo
Ar gwallzarvoud hag ar marv
Den n’en doa klevet
Den ne oa deuet…
Rock fusion / Rap — Taol-Lañs 2012, Speied — Eil priz
Aozour ar pozioù : Youenn ROUE
Aozour ar sonerezh : Erwan MOAL, Erwan VOLANT, Klet BEYER, Tangi LE GALL
Bec’h de’i !
Hey ya ! Selaouit mat tudoù galv an argad
Lod ac’hanoc’h o deus gortozet ar mare-se o buhez-pad
Poent eo dihuniñ ha bezañ ni mestr war hon dazont ha war hon glad
Hep na vefe evel-just hon daouarn saotret gant gwad
Diaes eo din fiñval, fiñval ha kemer ma anal
Gant dorn ar jakobin a groug stardet tro-dro ma c’houzoug
Met derc’hel a ran em dorn ma c’hleze ‘vit chom bev
‘Vit bezañ kreñv ha dillo, da glevout an heklev !
Forzh penaos evit kavout un ti produiñ amañ eo ret kontañ faltazi
Dav eo deomp chom Underground hep evel-just bezañ stanket en traoñ
P‘e‘r hon eus d‘o‘r, p‘e‘r hon eus d‘o‘r evit kavout un hent digor ?
Skarzhañ an “T” eus an “R” eus an “E” eus an “I”.“T”.“O”.“U”.“R”
Evit diskouez na pegen kann ha didrec’hus eo ar spi e daoulagad ar stourmer !
N’int ket deuet a-benn da ziwriziennañ ac’hanomp…
N’o deus ket gellet plegañ na flastrañ an den sonn ! (×2)
Ha setu yezh Anjela a dizho ‘pezh ‘zo da dizhañ
Ma c’han a zo ur c’han skrivet gant ar gounnar
Ma selaouit e weloc’h splann ‘pegen bras eo ma glac’har
Abaoe 77 e vez graet c’hoazh ur c’hemmesk
Etre broadelourien diskiant ha bugale Diwan
Lavarit din ma fazian ? … Nann ! What the fuck is goin’ on !
Gant an dud o trougprezeg war gont ar bobl breton ?
Falc’hat a ran an dud a vev diwar ar yezh
Hag a-benn ar fin e chom mut o fennoù stouet gant ar vezh
Ya, o fennoù a stou ! A stou dirak falc’h an Ankoù
Enkorfet gant ar Gwasker pa rankfent birviñ o daoulagad ober
Setu perak on taer !
Evit diskouez na pegen kann ha didrec’hus eo ar spi e daoulagad ar stourmer !
N’int ket deuet a-benn da ziwriziennañ ac’hanomp…
N’o deus ket gellet plegañ na flastrañ an den sonn ! (×2)
Hey yo ! Evidoc’h e kemeran ar mikro
Rak gouzout a rit n’eo ket an oberourien drouk ar gudenn
Met kentoc’h dioberiantiz ar Vretoned dirak ar gouenn-lazh sevenadurel
Hag a-wechoù korfel zoken kroget e deroù an ugentved kantved
Da Dad-kuñv zo marvet en Ardennes
Da Dad-kozh zo marvet e-kerzh an eil brezel
Da Vamm-gozh zo aet da c’hast e Kêrbenn ar mac’her
Gwelet peus da Dad o tifenn da yezh, oc’h en em gannañ gant un archer
Gwelet peus da Vamm o tistruj prefeti Kemper
Ha te ? Petra emaout o soñj ober ?
Ha bremañ, me am befe da gaout mezh
Eus ma sevenadur, eus ma sonerezh hag eus ma yezh ?
Kenderc’hel a rin da gomz ha da soñjal
E c’hell bezañ pep komzer un emsaver
Pep komzer un emsaver, pep komzer un emsaver, pep komzer un emsaver
Un emsaver… !
Rock garage — Taol-Lañs 2017, Langoned — Eil priz
Aozour ar pozioù : Ronan SOUBIGOU
Aozourien·ezed ar sonerezh : Gildas KEROMNES, adaptée par VIVIANE ROPE
Me a gave din e vije bet bugale
Me a gave din te ha me vije bet Ni
Me a gave din hor karantez en dije kresket
Ha zoken betek fin hor buhez
Ha padal ‘peus choazet mont da vevañ en ur gêr-all
Da vevañ ur garantez all gant unan-bennak all
I wished we would had children
I wished you and I would had made Us
I wished our love would had only raised up…
Even untill the end of time…
N’on ket gouest da gompren perak
N’on ket gouest da c’houzout penaos
N’on ket gouest hiziv c’hoazh da welet peur…
Bremañ ouzhpenn ugent vloaz a zo… (×2)
Me a gave din e vije bet bugale
Me a soñje din hon dije gwelet ganti
Me a gave din, me a soñje din, me a gave din…
I wished we would had children
I wished you and I would had made Us
I wished our Llve would had only raised up…
Even untill the end of time…
N’on ket gouest da gompren perak
N’on ket gouest da c’houzout penaos
N’on ket gouest hiziv c’hoazh da welet peur…
Bremañ ouzhpenn ugent vloaz a zo… (×2)
Reggae — Taol-Lañs 2014, Speied — Priz Kentañ
Aozour ar pozioù : Kadvael JOLIVED
Aozourien ar sonerezh : Fulup GOURVES, Gireg MOUTON, Guildwen CAPDEVILLE, Kadvael JOLIVED, Loeiz AR BRAS, Louri BON, Marin IN
Ha kollet eo ganin ma ene
Ha gwerzet eo bet warlene
Ha ‘ouian ket perak me ‘zo kollet
‘Ta giz ma lâr ‘ni all : “kollet hag evet”
Ya, ya, ya gwir eo ‘pezh a lâran
Nann, nann, nann n’eo ket gevier ‘pezh a gontan
Matreñ sur-walc’h ‘po poan da grediñ
Hag ansav a ran m’eus ket ‘tra bet da brouiñ
Ma istor ‘zo paseet ‘vit ‘ni kentañ ar bloaz
Ha gant un den dall ni ‘oa
Oh eñ ‘zo deuet trankilig a zaou
N’on ket re sur met sur walc’h ‘oa tisken eus ar c’houmoul
Da gentañ m’eus soñjet ‘ni e ur farsadenn fall
Ur paotr d’eus Jeova pe un dra bennak all
“Ur gemenadenn m’eus evidout”, ‘ lâr sirius tre
“Ha deus tre lâriz me, deus da bakout ‘boc’h kafe”
Piv ‘ma kad am’ ?
Marie Le Mer ma kad ama(ñ)
Ma piv ‘ma kad am’ ?
Markus ma kad ama(ñ)
Ma piv ‘ma kad am’ ?
Fatia ‘ma kad ama(ñ)
Met piv a zo am’ ?
Paul Mingan a zo am’ !
N’em gavet on neuze, dre vurzhud
Gant ur plac’h koant meurbet, anvet Dahud
He daoulagad a oa brav eston
He zad ‘oa ket, hag eñ ‘zo Gralon
Kregiñ a riz neuze da verc’hetañ merc’hetañ
Ha ne oa ket an displijusañ
Ur ‘zun a dremenas ganti en va aes
Karantez, karantez !
An eizvet deiz war-lerc’h bezañ evet re
Oemp deuet da wel’ Gralon a kouske en e wele
Ha tennet e alc’hwezhioù ‘n ur ‘or trouz ‘bet
Ar skuilhoù ‘oa prest da ‘vout digoret
Hag holl ar gêr a zo bet beuzet
Ha Dahud ‘zo aet da get
Gant ar paotr dall ‘oen bet me savetet
Hag ur gopr bras a oa bet
Ar follentezh a zo bet pinijet gant Doue
Ha gallout a reer lâret a-drugarez din-me
Met ouzhpenn bezañ bet kollet ma ene
Eo marv ma c’harante(z
RnB / Rap — Taol-Lañs 2007, Karaez — Priz kentañ
Aozour ar pozioù hag ar sonerezh : Iwan BENOIST
O klask emaon ur fulenn
Ur fulenn emaon o klask
Ha ma ne gavan ket ma mestrez
Fenoz adarre e vo ‘n drast
O klask emaon ur fulenn
Ur verc’h a vefe hegarat
Unan na rafe ket he fenn koad
Gant piv ‘c’hellfen teuler pled mat
Bremañ emañ ma c’halon o talmiñ evit ma-unan
Rak aet eo ken pell diouzhin an hini a oa ma dramm
Re alies em eus bet kerse gant un trubarderezh
Re alies on bet skarzhet ab‘lam‘ d’am diskianterezh
Gant ar goanag dre ar straedoù ‘vezan o kantren
Marnaoniet evel ur bleiz o klask e zeñved
Pe glac’haret evel ma ‘z on o klask un darempred
Te an ‘ni eo ‘mefe karet met n’out ket ‘vit kompren
Ganit ‘vefen hegarat, ganit e pledfen ken mat
Me da sonfe piano en-dro en-dro
‘Vidout e savfen pozioù met ne gontfen ket kaozioù
A-hed an deiz, a-hed an noz, ‘vefe ket met ebatoù
Ma ‘klevez ma c’hanaouenn, ma ‘teu ennout ul luc’hedenn
Arabat chom war var koantenn, kas din ur postel war ma lec’hienn
Ma ‘klevez ma fedadenn, ma‘n diouer ennout zo heñvel
Ne ran ket forzh eus liv da groc’hen, o klask emaon…
O klask emaon ur fulenn
Ur fulenn emaon o klask
Ha ma ne gavan ket ma mestrez
Fenoz adarre e vo ‘n drast
O klask emaon ur fulenn
Ur verc’h a vefe hegarat
Unan na rafe ket he fenn koad
Gant piv ‘c’hellfen teuler pled mat
Deiz-pe-zeiz e troio an traoù war o zu mat
Ha ma ranngalon a vo kaset pell diouzhin da vat
An deiz-se ‘vin an hini laouenañ war an douar
Echuet ‘vo en diwezh gant ma buhez klouar
Met a-raok de‘m‘ gant ar baotred betek ar voest-noz
A-benn kavout ar merc’hed dizimez ha toullañ kaoz
Sell‘ta du-hont ouzh ar voger, honnezh a zo d’am grad
Din da vont divrall ‘n ur barañ ouzh he daoulagad
He revr, he divvronn war ar voull douar, n’eus ket o far
He sae, he c’hwezh-vat, ha kement tra zo, me o c’har
Hep gaou ebet, bravoc’h eo eget ar seurt ‘vez well-wazh
Met d’ar c’houlz tap‘ he niverenn piv ‘mañ o tont war red ? He gwaz !
Bep Sul asambles ganti ni ‘vefe bet war an aod
Kontet ‘mefe dezhi traoù flour, me ‘vefe bet e varzh
Ha ‘barzh ar gambr ken dous ha tra ‘n ur lemel he dilhad
Ma zeod nepell diouzh he genoù ‘mefe silet ‘barzh ! Hañ !
Kaer ‘neus un den bezañ pinvidik
An deiz pa ‘vanko dezhañ un dousig
An heol ne vo ket mui o skediñ
Hag e vuhez a vo tristidik
Kaer ‘neus un den bezañ maget mat
An diouer ‘vo ennañ dalc’hmat
Met ma ‘neus fiziañs en e bladedenn
Un deiz e kavo
O klask emaon ur fulenn
Ur fulenn emaon o klask
Ha ma ne gavan ket ma mestrez
Fenoz adarre e vo ‘n drast
O klask emaon ur fulenn
Ur verc’h a vefe hegarat
Unan na rafe ket he fenn koad
Gant piv ‘c’hellfen teuler pled mat
Ha neuze kan kan koantik kan kan war ar son-se
Kan kan koantig kan kan war ar son-mañ
Lak ‘ta‘r son uheloc’h, fulenn !
Pop — Taol-Lañs 2014, Speied — Eil priz
Aozour ar pozioù : Nikolaz ROUZIG
Aozourien·ezed ar sonerezh : Bertrand JULÉ, Kieron KING, Laurence KHERMOUCHE, Marc LE SERRE, Nikolaz ROUZIG
Dec’h ‘oa splann an traoù
Dec’h e welen an hent
Dec’h ‘oa sklaer an deiz
Dec’h ‘oa sklaer ma hent
Met
Aet eo, aet eo ma c’halon
Aet eo, aet eo ma c’halon
Aet eo, aet eo ma c’halon
Aet eo, aet eo ma c’halon
Dec’h ‘oa glas an neñv
Dec’h ne rae ket glav
Dec’h ‘oa an hañv
Dec’h ne oan ket marv
Met
Aet eo, aet eo ma c’halon
Aet eo, aet eo ma c’halon
Aet eo, aet eo ma c’halon
Aet eo, aet eo ma c’halon
Dec’h ‘oa splann an traoù
Dec’h ‘oa glas an neñv
Dec’h ‘oa sklaer an noz
Dec’h ‘oa sklaer ma hent
Kan ha gitar — Taol-Lañs 2013, Speied — Priz kentañ
Aozourienezed ar pozioù : Oona LE RALLIC-MAHO, Yuna BRESMAL-LE MOUILLOUR, Tualenn HADO
Aozourien·ezed ar pozioù : Yuna BRESMAL-LE MOUILLOUR, Tualenn HADO, Lleuwen STEFFAN
Pep tra du, pep tra gwenn ha netra ken
Ha neuze e tigoran ma malvennoù
Strafuilhet e vannan me zriskell en draezhenn
Azezañ ‘ran vit sellet doc’h an endro
En em gej a ra an dour hag an traezh
E-dan an oabl orañjez ha dizollo
Huchadennoù ar vugale èl sonerezh
Me, amañ, diskuizhet é sellet outo
Lonket an hini getañ get an douar
Devet an eil hini get an tan
Laeret an trede get an aer
Hag un a chom
Hag un a chom
Neuze e savan àr-zu ar mor ruz
Hag e taollan ur sell àr me c’houedur
E patoulhaat dibreder neuial a bep tu
Hogen é tonet àr wel an dreuzstummadur
Klogor a sav hag a darzh e-kreiz ar mor
Ar vorluzenn glas tañval divoull àr benn
Un dud oc’h en em ziverkiñ eus an egor
Ha pellaat a ra ma bugel doc’h an draezhenn
Lonket an hini getañ get an douar
Devet an eil hini get an tan
Laeret an trede get an aer
Hag un a chom
Hag un a chom
[ * Lodenn a vez kavet e-barzh stumm hir ar ganaouenn ]
Pep tra du, pep tra gwenn ha netra ken
Ha neuze e tigoran ma malvennoù
Strafuilhet e vannan me zriskell en draezhenn
Azezañ ‘ran vit sellet doc’h an endro
Lonket an hini getañ get an douar
Devet an eil hini get an tan
Laeret an trede get an aer
Lonket an hini getañ get an douar
Devet an eil hini get an tan
Laeret an trede get an aer
Hag ar pevare, ar pevare
Ha netra ken
* Lodenn a vez kavet e-barzh stumm hir ar ganaouenn :
E redek eh an trema ma bugel
Keit ma redan eh a eñ c’hoazh buanoc’h
El ma vounten anezhañ get an avel
Daeroù é ruilhan àr ma jod founnaploc’h
Erruet e oa e touesk ar glogor
Dic’halloud e sellen doc’h e zremm spontet
Pemp blez buhez disachet, laeret get ar mor
Hag an dour é lonkañ ar paourkezh beuzet
Lonket an hini getañ get an douar
Devet an eil hini get an tan
Laeret an trede get an aer
Hag un a chom
Hag un a chom
Gwerzh / Fado — Taol-Lañs 2012, Speied — Priz ar brezhoneg
Aozourez ar pozioù : Loeiza BEAUVIR
Aozourien·ezed ar pozioù : Fred BOUDINEAU, Loeiza BEAUVIR
Oh Ambrosia, plac’hig daonet
Kerzh ‘ta da c’hoari pelloc’h
Oh Ambrosia, keizig-keiz
War da lec’h, me ne‘z in ket
Nag ur c’haer a vamourez
Boemusoc’h ne‘z eus ket
Touellusoc’h ken nebeut all
Oh Ambrosia, kerzh ‘ta da zutal
Ne‘z eus amañ brasañ bamaj
Ha da groc’hen trenk ha dous
Ganit-te ne‘z in neblec’h
Da soc’hennoù a zo toull
Oh Ambrosia, sordourezig,
Saozanourez goantig-dousig
Ha ni kazel ha kazel
Da zour-hud ne dañvfenn ket
Ha ni bruched ha bruched
War da c’henoù bouch ebet
Ne vin ket ‘vit da briatañ
Ha ni kofig ha kofig
Ne‘z eus amañ brasañ bamaj
Ha da selloù tomm ha drant
Ganit-te ne‘z in ket re bell
Da soc’hennoù ‘zo re strizh
Oh Ambrosia, damez din-me
Deus amañ war ma barlenn
Krog em dornig ha krog em chouk
Da samm a fell din dougen
Deus da likor houbl ha mel
Ro din an disterañ lomm
Tout da vinim a‘z aio ganin
Ha da sutal an drouk-avel
Ne‘z eus amañ flourañ bamaj
Ha da vouez bout er pelloù-pell
Ambrosika, ma c’hig, ma gwad,
Chom ganin betek re bell
Metal — Taol-Lañs 2012, Speied — Priz kentañ
Aozourien ar pozioù hag ar sonerezh : BURTUL
Er bladenn Ar Suner Bazh, embannet e mars 2012
Kaotigell
War ma c’hell
Un taol lipadenn
Hag e strink an dourenn
Kaotigell
War ma c’hell
Un taol lipadenn
Hag e stuf ar balafenn
Ma c’horf o krenañ
Ur 7.9 da evañ
Ma c’horf o krenañ
Ma bazh tan o strinkañ
Bazh tan stufer yod
Bazh tan lipig war da jod
Rock / Rap — Taol-Lañs 2008, Karaez — Priz kentañ
Aozour ar pozioù : Fañchig GWENN
Aozourien ar sonerezh : Éric DUCHAMPS, Klet BEYER, Manu KORBELL
Mont a ran dre ar c’hantved o furchal a-gleiz
Paourentez, gouennelouriezh, tud laosket ha disoñjet
Daoust hag-eñ ‘vefe reizh ?
Ne vern an tog pe ar groaz bepred me a vez klevet
Daoust hag an denelezh ken ral ‘vije deuet ur c’hleñved ?
Ar goulm siwazh ‘zo poazh ‘rak bemdez ‘zo ur brezel
Er bed pe en eneoù digor da zaoulagad ha sell
Memes re ‘lein ar skeul klevet ha gwelet
Ha pa zo ur votadeg… An disoc’hoù sell ‘ta piv ?
Ar mildioù a guzum frouezh sakr ar peoc’h
Speredoù trenket a lak ar gwellañ soñjoù er c’haoc’h.
An denelezh ‘zo war ur vag o veuziñ tamm-ha-tamm
Ne vimp ket douaret met kondaonet d’an Anaon
D’an Anaon (×3)
Labour ‘zo war ar stern etre an Neñv hag an Ifern
Be‘z zo un heol, ul loar ur blanedenn hag un denelezh foll
Daoust hag e chomo tout-se ? ‘Vel an ne vern d’egile, ‘vel an ne vern d’egile.
Pa vez trec’h an den pilpous ez a war fallaat ar c’hrampouezh
Ar bilig ‘zo re vras evit ken nebeut a doaz
En ur c’hantved eo bet diskaret an holl zanvezioù
An den ‘zo ul loen preizh morse dinaonet.
Hon dazont ‘zo leun a c’houlennoù
Daoust ha ‘vefe tu da vab-den bezañ adprenet ?
Mamm-Douar ‘leñv he mibien ‘rak ne selaouont den.
Neuze e kouskan evit disoñjal ha tuchan…
Huñvreet am eus en ul latar e oa distro an dispac’h
Splann ha gortozet dont a rae hi deus hon zu
Neuze tudoù gaezh plantomp tan d’al ludu a chom ha diouzhtu !
Labour ‘zo war ar stern etre an Neñv hag an Ifern
Be‘z zo un heol, ul loar ur blanedenn hag un denelezh foll
Daoust hag e chomo tout-se ? ‘Vel an ne vern d’egile, ‘vel an ne vern d’egile. (×…)
Mouezh ha gitar — Taol-Lañs 2009, Karaez — Priz kentañ
Aozour ar pozioù : Korentin AN DAVAY
Aozour ar sonerezh : Mael GUEGO
Un den a rank mont gant an tren
Da retorn d’ar gêr da debriñ lein
Faot ‘ra d’un all chom ‘n e skoaze
Prederiañ un tamm ha bale adarre
‘Barzh ‘straed n’eo ket brav an amzer
An dud ‘zo mut o sellet deus an eur
Ur plac’h yaouank ‘zo vont gant he hent
Da b‘lec’h, n’(ouz)on ket, n’on ket vont da c’houlenn
Arrebeuri war an trotouer
‘Straniñ, ‘kaout pell an amzer
‘Barzh ‘straed n’eo ket brav an amzer
An dud ‘zo mut o sellet deus an eur
Ur martolod ur sac’h war e chouk
A c’hortoz ar vag e dremm ‘zo bout
Un den kraz o evañ chopinad
War blasenn ar bourk eo krog’ ar marc’had
‘Barzh ‘straed n’eo ket brav an amzer
An dud ‘zo mut o sellet deus an eur
Trouz un oto risklañ war ‘r riell
Darbet eo bet dezhi flastrañ ur bugel
Met n‘eus ket amzer da chom re bell
Arri al liv gwer dav eo kenderc’hel
‘Barzh ‘straed n’eo ket brav an amzer
An dud ‘zo mut o sellet deus an eur
World / Jazz — Taol-Lañs 2009, Karaez — Eil priz
Aozour ar pozioù : Tristan LE BRETON, troet gant SKARAMAKA
Aozourien : SKARAMAKA
Er bladenn Soñj, embannet e miz here 2013
Sed a‘e ma beaj diwezhañ
Biskoazh ken brav gweledva
Aet omp ni, termajied
Pell deus ar bed gwenn e livioù
Er broioù-mañ e vezemp klevet g‘al loened
Gwrizioù hor bed dalc’het en o spered
An devezh ‘pad e teu daeroù dezho
Eveldon-me, furlukin nemetañ o welo
Yen-du ar goañv war ar vro
Kousket ar stêrioù skornet
Al laponi ‘maon o kedal
Soñj ur bed gwenn e livioù
Pa veven gant an dud-se
‘Oa ‘vel ur vuhez nevez
Eno ‘veven traken bev
Soñj ur bed gwenn e livioù
C’est mon dernier voyage
Je n’ai jamais vu un si beau paysage
Nous sommes partis avec le cirque
Dans ce monde où les nez sont blancs
La légende dit, que les rennes nous entendent, et nous comprennent
Que les ancêtres s’expriment à travers ces animaux
Ils peuvent couler des larmes si on touche leur cœur
Comme ma personne, ce pauvre clown qui pleure
L’hiver est glacial à mourir
Les eaux sont gelées
Je vous parle de la Laponie
Dans ce monde où les nez sont blancs
Ma rencontre avec ces gens-là
C’était comme renaître
On me considérait comme Être
Dans ce monde où les nez sont blancs
