O klask unan evit ur servij keodedel emaomp

Dindan 25 vloaz out-te ? Ha c’hoant ho peus da gemer perzh en dro-gaer ? Deskiñ penaos ‘vez aozet festivalioù, penaos ‘vez graet war-dro ar c’hehentiñ, ar graferezh… ? Kinnig a reomp ur gefridi leun amzer etre 6 ha 8 miz e Gwened evit hon skoazell aozañ GBB 2023.

Gouzout hiroc'h
GBB 2023 servij keodedel

Kemer perzh en aozadur

C’hoant ho peus kemer perzh e aozadur GBB ? C’hoant ho peus sikour ha pas hepken e-pad an tri devezh Gouel ? El lec’h mat emaoc’h. Adkavit amañ roll ar bodadoù labour ez eus, evit sevel un embann GBB. Ma ho peus mennozhioù nevez hag ul lusk dispar e c’hellit kas ur postel d’ar chomlec’h-mañ : darempred@mignoned.bzh

Goulenn titouroù

Programmiñ

Klaskit arzourien·ezed nevez ha kinnigit sonadegoù hag abadennoù e brezhoneg evit an embann GBB o tont.

Youlidi

Degemer a ra ar bodad-mañ an dud a-youl vat e-pad ar Gouel. Met int a zo ivez ho rannañ al labour, hag o prientiñ implij amzer pep hini.

Kehentiñ

A-drugarez d’ar bodad-mañ ez eus skritelloù nevez flamm evit bep embann. Ret eo ivez skignañ an darvoud ha kemer fotoioù ha videoioù e-pad ar gouel.

Kevatalded merc'hed & paotred

Evit kaout ur gwir ingalded etre merc’hed ha paotred ha pas nemet war al leurenn met ivez e-barzh aozadur ar Gouel eo ret kaout ur skipailh engouestlet bras.

Aozañ

Ret eo d’ar bodad-mañ bezañ gouest da verañ ar skipailhoù hag ar bodadoù-labour all evit ma vo GBB ur gouel plijus!

Met ivez...

Evit lakaat e pleustr hon engouestloù ezhomm hon eus ivez tud mennet evit sikour e-barzh ar bodadoù-mañ :

Gouzout hiroc'h war hon engouestloù

Boued ha Boeson

Tavarn, Krampouezh, Grilhadennoù…

Korn ar vugale

C’hoarioù, diwallerezh, kañfarluchoù…

Diarbenn

Eskemm, komz ha reiñ dafar diarbenn.

Surentez

Kroaz ruz, medisined, aergelc’h surentez war ar gouel…

Endro

Diorren padus, dilerc’hoù war ar gouel…

Bilhederezh, bank

Gwerzhañ tikiji, degemer an arvesterien…

Kêriadenn ar brezhoneg

Pediñ tud, sevel standoù…

Heuliit ac'hanomp war ar rouedadoù!